အနုပညာသတင်းများ

အန်တီကစ်ကို လှူတာကတော့ ပေါ်ပြူလာလုပ်တာ မဟုတ်ဘူးဆိုတဲ့ ကျော်ကျော်နန္ဒ

ထူးခြားတဲ့သီချင်းတွေ ထူးခြားတဲ့ ဝတ်စားဆင်ယင်မှုပုံတေတွကြောင့် ပရိသတ်တွေရဲ့ အမြင်အာရုံဖမ်းစားထားနိုင်တဲ့ တေးသံရှင် ကျော်ကျော်နန္ဒကတော့ လူမှုကွန်ရက်စာမျက်နှာတွေပေါ်မှာ အရမ်းကို လူပြောသူပြောများနေတဲ့ ဆယ်လီတစ်ယောက်ဖြစ်နေပါတယ်။ အခုလက်ရှိအချိန်မှာတော့ သူက ကျန်းမာရေးတော်တော်မကောင်းတဲ့ ဟာသသရုပ်ဆောင် ကစ်ကစ်ကို သွားရောက်လှူဒါန်းခဲ့ပြီး ဒီလိုလှူတာကလည်း ပေါ်ပြူလာဖြစ်ချင်လို့ လှူတာမဟုတ်ဘူးလို့ 8days ရဲ့ အင်တာဗျူးတစ်ခုမှာ ပြောသွားခဲ့ပါတယ်။

ကျော်ကျော်နန္ဒ”အန်တီကစ်ကို အလှူလုပ်ဖြစ်တဲ့အကြောင်း ပြောရမယ်ဆိုရင်တော့ အားလုံးကတော့ ကျွန်တော့်ကို ဝိုင်းဆဲမှာပဲ။ သူများပေါ်ပြူလာလုပ်လို့ သွားလုပ်တယ်လို့ ပြောကြမှာ။ အဲ့အတွက် ကျွန်တော် လှူမလုပ်ခင်ကနေ တစ်ရက်အလိုလောက်မှ လူမှုကွန်ရက်မှာ တင်ထားလိုက်တယ်။ ဆဲရင်လည်း ဆဲပါစေတော့ ဘာလို့ဆိုတော့ ကျွန်တော်သွားတွေ့ချင်တယ်လေ။ အဓိက လှူလည်းလှူချင်တယ် အဲ့ထက်ကို ဘာဖြစ်ချင်တာလဲဆိုတော့ လွန်ခဲ့သော ဆယ်စုနှစ်တစ်စု ဆိုတဲ့ ကျွန်တော့်ရဲ့ အနုပညာသက်တမ်းကာလ ဖြတ်လာတဲ့ တောက်လျှောက်မှာ အန်တီကစ်က အများကြီး ကျွန်တော့်ကို အထောက်အပံ့ပေးခဲ့တာပါ။ သရုပ်ဆောင်ပိုင်းမှာရော အဆိုပိုင်းမှာရော သူက အဆိုဆိုလည်း သူသင်ပေးတယ် သူက တကယ် အဆိုအရမ်းကောင်းတဲ့သူတစ်ယောက် ပွဲတွေသွားလည်း တွဲခေါ်တယ်။ ကိုယ်လိုလူနာမည်လည်းမရှိ လူလည်း မသိသေးတဲ့အချိန်ဆိုတာ စင်ပေါ်တက်ဖို့ မလွယ်တဲ့အလုပ်ပါ အဲ့အတွက် သူ့ရဲ့ အနေအထား သူ့ရဲ့ ဝိတ်နဲ့ သူ့မောင်လေးတစ်ယောက်လိုပဲ မောင်လေးလာ ခေါ်တယ်။ ကိုယ်ကလည်း အစ်မကြီးတစ်ယောက်လိုပဲ မကြီးပွဲရှိရင် သားကိုလိုက်ပေးပါဆို လိုက်ပေးတယ်။

သူ့ရဲ့ အောင်မြင်မှုနဲ့အတူတူ ကျွန်တော့်ကို တွဲခေါ်ဖူးတယ်ရင်တုန်းကဆိုရင် အဲ့အတွက် ကျွန်တော်လည်း လုပ်ခဲ့ဖူးတယ်။ ကျွန်တော်ဆုံးဖြတ်တယ် အန်တီကစ်ဆုံးသွားပြီလို့ ပြောကြတယ်။ ပြောကြတော့ စိတ်မကောင်းဘူး ဟာသွားပြီ ငါတော့ မတွေ့ရတော့ဘူးပေါ့။ သေသွားပြီဆိုတော့သေတဲ့အတိုင်းပို့မယ်ပေါ့နော်။ နောက်တစ်ခုသတင်းတက်လာတဲ့အခါကျတော့. မဟုတ်ဘူးဆိုတော့ဘအရမ်းဝမ်းသာသွားတာ မဖြစ်တော့ဘူး အန်တီကစ်နဲ့ စိတ်ထဲမှာ ကတိကထ ဖြစ်တာလေးတွေရှိပါတယ် အနုပညာသမားတွေဆိုတော့ ဒီလိုပါပဲ နားလည်မှုလွဲတာလားတော့မသိဘူး ရှိပါတယ်တစ်ခု။ အဲ့နားလည်မှုက ကျွန်တော့်အမှားပါပဲ ဘာပဲ ပြောပြော ကျွန်တော်ဟာ အခုလိုချိန်မှာ သွားလှူမယ်စကားတွေလည်း ပြောမယ်။ ငါ့ကိုလည်း ဆဲရင်လည်းဆဲကြပါစေ သူတကယ်ရှိနေသေးတယ်ဆိုတော့ အရမ်းဝမ်းသာပြီး လာတွေ့တာပါ။ ကျွန်တော်သွားတွေ့ရင်လည်း ငိုမိမှာပေါ့နော်။ တွေ့တော့ ကျွန်တော့်ရင်ထဲမှာ တော်တော် စူးစူးနစ်နစ် မကောင်းဘူးပေါ့နော့် ဖြစ်နိုင်ရင် သူလုပ်နေကြပုံစံလေးကို အမြဲတမ်းပြန်တွေ့ချင်တာပေါ့နော်။”လို့ပြောသွားခဲ့ပါတယ်။

ဒီလိုအလှူလုပ်တာ ပေါ်ပြူလာဖြစ်အောင် လုပ်တာမဟုတ်ဆိုတဲ့ အကြောင်းကို “ဘယ်တော့မှ ကျော်ကျော်နန္ဒ ပေါ်ပြူလာဖြစ်အောင် မလုပ်ပါဘူး။ ကိုယ့်ရဲ့ အနုပညာနဲ့ပတ်သက်ပြီးတော့ ပေါ်ပြူလာဖြစ်အောင် လုပ်ရင် လုပ်မယ် ဖန်တီးအသစ်တွေ ထွင်ရင် ထွင်မယ် ဘယ်လိုအလုပ်ကိုမဆို လူများ လုပ်လို့ လိုက်လုပ်တာ မဟုတ်ပါဘူး။ တိုက်ဆိုင်သွားတာလေးတွေပဲ ရှိမှာပါ အခုဆိုလည်း ကျွန်တော် စစ်ဘေးသွားမယ်ပေါ့နော် သွားမယ်ဆိုတာ ပြည်သူတွေအတွက်သွားမှာပါ။ ဒါပေမဲ့ အဲ့တာကလည်း ကျွန်တော် ပေါ်ပြူလာဖြစ်အောင် လုပ်တာ မဟုတ်ပါဘူး။ အဓိကတော့ ပေါ်ပြူလာ ဘယ်တော့မှ မလုပ်ပါဘူး ပေါ်ပြူလာလုပ်ချင်တာကတော့ ကိုယ့်ရဲ့ အနုပညာကိုတော့ အမြဲတမ်း ပေါ်ပြူလာဖြစ်အောင် လုပ်နေမှာပါ။”လို့ ပြောသွားခဲ့ပါတယ်။

The post အန်တီကစ်ကို လှူတာကတော့ ပေါ်ပြူလာလုပ်တာ မဟုတ်ဘူးဆိုတဲ့ ကျော်ကျော်နန္ဒ appeared first on Nanmalgyi.